حوار بين رجل من المستقبل و رجل معاصر

المعاصر:اهلا بحضرتك شرفتنا
المستقبل:اهلا بيك
المعاصر:انما ايه الاخبار فى الزمن اللى انتا عايش فيه
المستقبل:والله احنا تقريبا بعد مليون سنه من الزمن اللى انتا عايش فيه ده توصلنا لعلم كبير جدا جدا جدا
المعاصر:واضح جدا جدا على هيئه حضرتك
المستقبل: ده كده اقل واجب حضرتك يعنى
المعاصر:انما قلى انا من ساعه ما جيت الزمن بتاعكم عشان اعمل الحلقه دى معاك و انا شايف الناس عندكم شكلها غريب جدا جدا وشكلكم ملخبط
المستقبل:ازاى حضرتك مش فاهم
المعاصر: ابسطهالك..... يعنى الراجل منكم دماغه كبيره جدا جدا جدا و جسمه كله صغير و رجلين معصعصين
المستقبل:طيب ده عادى جدا جدا
المعاصر :بس فى ايامنا احنا كان اكبر جزء فى جسم الراجل بطنه انما انتم دماغه
المستقبل: ااه فعلا
المعاصر: ازاى يعنى طيب احنا الراجل كان عنده كرش فى بطنه انتم ايه الكرش انتقل للدماغ يعنى
المستقبل :اه
المعاصر:طيب بقا بتكبرا الكرش ده ازاى بتاخدوله اكل؟
المستقبل:اكيد.... يعنى على الفطار تضربلك برشامه و و تلحسلك جرنال..... على الغدا تضربلك كتابين على 4 مجلات...... على العشا يادب تاخد واحده مجله ميكى عشان تنام خفيف
المعاصر: يااا ده شئ عبقرى.... و على كده دماغك توزن كااام
المستقبل:حوالى 20 رطل
المعاصر:يخبر ابيض ليه انتا شغال ايه
المستقبل:موظف
المعاصر:ياااااراجل امال لو مهندس لا دكتور
المستقبل:يوزنله حوالى 40 او 50 رطل
المعاصر:لاحول ولا قوه الا بالله .....طيب بالنسبه لباقى اجزاء الجسم رفيعه اوى اوى كده ليه
المستقبل: عشان مش بنستعملها
المعاصر:امال بتستعملوا ايه
المستقبل:والله احنا بنركب صواريخ و طيارات و الفقير مننا اوى بقا مركبله جناحين ماشى بيهم
المعاصر:جناحين؟؟؟ دى زى البسكلته عندنا
المستقبل : ايه البسكلته دى
المعاصر متاخدش فى بالك ..... طيب بالنسبه للبنات عندكم شكلها ملخبط كده
المستقبل: طبعا
المعاصر :اخييييه دول اكيد وحشين جدا
المستقبل: ياراجل انتا دول كده بيبقوا قمه الجماااااال ... كفايا ان باين عليها مثقفه ....... طيب انا حقولك حوار كان بين 2 صحابى واحد بيهنى التانى على خطوبته
حوده: الف الف الف ملين ونص وتلت تربع و حته مبروك
سامى: الله يبارك فيك
حوده : انما ايه نظام الروكيت اللى حتخطبها
سامى :ياخراشى على الجمال عليها دماغ اتقل من شال الملح
حوده: الله دى جمييييييله
سامى: ولا عنيها يابوووووووووووى حتبظ بره النظاره اللى هى لبساها
حوده: الله يا واد يا سامى دى جميله اوى
سامى ولا رجليها المعصعصين ياخبر ابيييض
حوده: انتا شوقتنى اوى يا ولا ..... انما هى بتشتغل اييييه
سامى : عالمه
حوده: عالمه ايه؟؟؟؟
سامى: عالمه ذره
حوده: طيب و ابوها شغال ايه
سامى: ابوها ده بقا راجل كيييييف اووى
حوده: ازاى برضه
سامى: احسن راجل بيصنع مبردات تكييف فى العالم
حوده: على كده جبتلها شبكه ايه؟
سامى: سلسله
حوده :دهب ولا ايه بالظبط:
سامى: سلسله كتب علميه
حوده:جميل جميل ....... و حتعملوا الفرح فين
سامى : فى قاعه
حوده: فين القاعه دى
سامى: قاعه 22 فى المجمع النظرى
حوده:كويس جدا جدا طيب مين حيغنى فى الفرح
سامى: انا مظبط مع فرقه دكاتره جامده جدا
حوده :ودول حيقولوا ايه
سامى :لا لا دول حيقولولنا محاضرتين فى السريع كده بس
حوده: يعنى مفيش رقص
سامى: هو هو هو هو فى فرح من غير رقص امال دكتوره شويكار بتعمل ايه و فى طبل كمان مهو دكتور السعدى حيحضر
حوده: ده حيبقى فرح جامد اوى اوى اوى
سامى : انما انتا محكتليش عن مراتك؟
حوده: تعالى اوريهالك
عند البيت حوده ضرب الجرس
مراة حوده: اهلا اهلا ازيك ازيك
حوده: ازيك معايا سامى صاحبى
مراه حوده : اهلا اهلا زيك يا سامى مرحب بيك والله واحشنا اتفضل
سامى : شكرا شكرا .... لا يا حده والله مراتك دى جامدههه اوى زى سلسله كتب هارى بوتر
حوده :طبعا طبعا اتفضلها يا سامى متغلاش عليييك
سامى: ازاى يعنى عيب اللى انتا بتقوله ده
حوده: يابنى والله خدها متغلاش عليك
سامى: ياجدع ميصحش الكلام ده
حوده:يابنى دى مكن و متبطن كاوتش
سامى : نعم يا اخويا
حوده:امال ايه ... هو انات عايز تسكن بنى آدمه معاك فى الشقه
سامى:ودى بتشتغل ازاى بقا؟
حوده: بالريموت .... و عندها برمجه بتقدر تسمع و ترد و تعمل كل حاجه
عندك مثلا اول ما جرس الباب يدق تجرى على الباب تفتحه و ترزع البقين اللى سمعتهم دول
سامى: بجد بجد طيب كويس كويس والله
حوده : امال طبعا مش عايز اقولك بقى على الباااااقى اللى بتعمله
سامى: ايه ايه ها قولى بسرعه
حوده: والله بتيجى بليل و ت..............
الرجل المعاصر: بس بس بس ياعم الحلقه دى مينفعش تقول فيها كده
المستقبل : اقول ايه ؟
المعاصر : الكلام القبيح اللى كنت حتقوله ده
المستقبل: انا كنت حقول بتيجى بليل تغصل الصحون قبل ما تنام
المعاصر : بجد طيب .... المهم ان وقت حلقتنا انتهى شكرا ليك يا عمونا
المستقبل : العفو حضرتك شكرا على الاستضافه
المعاصر :شكرا اعزائى المشاهدين على حسن قرائتم لينا