عايز تصلى

بسم الله الرحمن الرحيم

[ مقدمة ]

بصوا احنا شباب زى بعض وتقريبا اعمارنا متقاربة
قبل ما ابدأ فى الموضوع عايز اقولكم والله العظيم دى تجربة شخصية يعنى انا مجربها مرتين
ازاى يعنى مرتين ؟؟ يعنى جربت الطريقة دى مرة وقعدت فترة ربنا هدانى وكنت ملتزم
وبعدين ظروت الدنيا ورجعت سيس وبعدين عملتها تانى ورجعت الحمدلله ملتزم
يعنى الطريقة مش صدفه بإذن الله
حابب اوضح نقطة انى قولت بعيدا عن كلام الشيوخ دا لانى عارف ان فى المحاضرات
والدروس بيكون الاسلوب اسلوب ترهيب شوية من بعض الشيوخ ودا اسلوب مش بينفع مع كل الناس
انا هكلمكم كشاب بيكلم اخواته ومش هتكلم بالشكل الديني عشان الكلام يوصلنا
بشكل صحيح لانى معنديش العلم انى اتكلم فى الدين
وكمان عشان الكلام يوصلنا كلنا لان هيكون اخ بيكلم اخواته اللى خايف عليهم بجد

[ ايه الفرق ]

قولتلى ايه الفرق يا معلم
طيب الفرق بين ايه وايه ؟
هقولك
الفرق بين انك تكون ملتزم وبتصلى وقريب من ربنا
وبين انك تكون مقضيها ظروته

: قبل الالتزام :

: قبل الالتزام :

مقلق وخايف انك تموت فى اى وقت واى لحظة وخصوصا فى وقت تكون بتعمل فية ذنب كبير
مخنوق وحاسس ان قلبك او صدرك عليه حجر ومش حاسس براحة نفسية
عند البعض حياتهم مليانة مشاكل وعقبات وازمات
بتترعب لما تيجي سيرة الموت او فكرة الموت فى دماغك
مش حاسس بالراحة والاطمئنان وحاسس ان فية حاجة غلط على طول او حاجة نقصاك
بتتكسف ترفع ايدك لربنا لانك مش بتلجأله الا وقت شدتك بسسس
وغيرها كتير من الحجات اللى بنواجهها

: بعد الالتزام :

الاحساس براحه شديده وانك مش خايف من اى حاجة
حياتك نقية جدا ومليانة طهاره ونضافة واحساس بحاجة جميلة فى صدرك
مش خايف من الموت بل بتتمناه عشان لو جالك هيكون ربنا راضى عنك
بتدعى ربنا بأى حاجة وانت مش خجلان من نفسك انك مش بتلجأ لية غير فى وقت الشده
الحياه احسن بكتيييير وكل واحد هيكتشف حجات كتير حلوه فى الموضوع

[ شروط الطريقه ]

[b]استعيذ بالله من الشيطان الرجيم

انك تكون بجد عايز تفكك من القرف والذنوب اللى انت فيها وتتجه للطريق الصح طريق الطهاره والنقاء

انك تكون ندمان على كل الذنوب اللى انت عملتها وتكون بجد عايز تغير نفسك
انك تحاول تصلح اى خطأ عملته او دين اخدتة ومردتوش او مشكلة كبيرة عملتها او اى حاجة عملتها ايام ما كنت شاب سيس وعلى فكرة مش شرط تفضح نفسك ممكن تصلح الوضع من غير ما تبان فى الصورة وانت بعيد بس المهم تصلحة ومش شرط تفضح نفسك اللهم استرنا فوق الارض وتحت الارض ويوم العرض عليك

اطلب من اى حد عملت معاه مشكلة او اخدت منه فلوس او عملتله اى حاجة وحشة انة يسامحك عشان التوبة تتقبل وكمان عشان مياخدش من حسناتك يوم القيامة مقابل اللى عملته فية فى الدنيا قال رسول الله صلى الله عليه وسلم: " من كانت عنده مظلمة لأخيه فليتحلله منها ، فإنه ليس ثم دينار ولا درهم، من قبل أن يؤخذ لأخيه من حسناته، فإن لم يكن له حسنات أخذ من سيئات أخيه فطرحت عليه "

[ وصف الطريقه السريه والمتجربه ]
ياااااه ياض دنتا رغارى رغى معلش انا عارف بس كنت لازم امهدلكم واقولكم
الوضع بيكون عامل ازاى ومتكونش كل حاجة بسرعة كدا وتكون خطوة خطوة عشان تدخل الماغ بالعقل والمنطقية طيب انت لسة هترغى تانى انجز بئى

:: الطريقة كالأتى ::

انوى بس ويكون جواك بجد انك عايز تنضف وتتوب وترجع لربنا وربنا بيفرح بتوبة عباده مهما كانت ذنوبك كتييييييييييييييييييرة جدا جدا جدا
خليك عندك حسن ظن بربنا يعنى متقولش انا فااجر وعملت كل حاجة وربنا لا يمكن هيسامحنى وقول ربنا هيتقبل منى ان شاء الله وهيدخلنى الجنه لان ربنا بيقول فى حديثه القدسى انا عند ظن عبدى بى يعنى احسن الظن دايما بربنا

فى الحقيقة كنت عايز اتكلم من غير ما اذكر ايات من القران او السنه بس مقدرش اشوف الايات دى ومحطهاش تعالوا نشوف ربنا قالنا ايه ... قال الله تعالى { قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعًا إنه هو الغفور الرحيم. وأنيبوا إلى ربكم وأسلموا له من قبل أن يأتيكم العذاب ثم لا تنصرون } الزمر: 53 – 54 . وقال تعالى { إن الله يحب التوابين ويحب المتطهرين } البقرة : 222 . وقال سبحانه { ألم يعلموا أن الله هو يقبل التوبة عن عباده } التوبة 104 .
قوم اتوضى وصلى ركعتين لله (واذا كان ميعاد اى صلاة من الصلوات روح صليها) وادعى وانت ساجد ان ربنا يتوب عليك من اللى انت فيه ويرجعك للطريق المستقيم وانت متوضى بردة بعد الصلاة خليك متجة للقبلة وادعى ربنا كل الدعاء اللى نفسك فية واولها طبعا هى التوبه والدعاء لاصحابك ولكل المسلمين بالمغفرة والتوبه وتبديل الذنوب بحسنات عشان الملائكة بتقول ولك بمثل قال صلى الله عليه وسلم : ما من عبد مسلم يدعو لأخيه بظهر الغيب إلا قال الملك : ولك بمثل
وفي رواية : دعوة المرء المسلم لأخيه بظهر الغيب مستجابة ، عند رأسه ملك موكل ، كلما دعا لأخيه بخير قال الملك الموكل به : آمين ولك بمثل . ..... عشان نكسب دعاء ملاك طاهر لينا ودعوة الملائكة مستجابه وطبعا اوعوا تنسوا تدعووووولى
اهم نقطة يا جدعان نسيت اقولها وبعد ما كتبت الموضوع وقفلت الجهاز ورايح انام اتفكرتها وقولت اضيفها بجد وربنا هى : ترك المعاصى ترك المعاصى ترك المعاصى (اسلوب توكيد ) هقولكم لية وعن تجربة لانك بكل ذنب بتعملة بيبعدك عن ربنا وعن الصلاة وقلبك بتحس انه بئى فية حاجة ومش عايز تروح تصلى يعنى هيرجعك من الاول تاااااانى فحاول تبعد عن اى معصية او ذنب قال النبي صلى الله عليه وسلم : إن العبد إذا أذنب ذنباً كانت نكتة سوداء في قلبه، فإن تاب منها صقل قلبه، وإن زاد زادت، فذلك قول الله تعالى: { كَلاَّ بَلْ رَانَ عَلَىٰ قُلُوبِهِمْ مَّا كَانُواْ يَكْسِبُونَ } "

النَكتة اللي بتصيب القلب لما بتعمل ذنب
ونَكتة فوق نكتة فوق نكتة...........
بيتحجب القلب عن الايمانومش بتخلينا نتأثر لا بسماع قران او صلاة او بنحس بأى لذة ايمانية

[center]

عايز تصلى بخشوع ونفسك تحس إنك بتصلى

صلى وكأنك واقف أمام الكعبة وملك الموت من خلفك وكأن الجنة عن يمينك والنار عن شمالك
والصراط تحت قدميك وكأن رسول الله صلى الله عليه وسلم يتأملك

....انشرها واسأل الله ان يتقبل صلاتى وصلاتك

[/b] [/center]

thnx saso u that topic
واتمنى ان الناس تستفيد منه بجد ده موضوع رائع

» برنامج الاذان عشان متنسا ش وتقوم تصلى ؟؟؟؟؟؟؟؟
» سر يخليك تقوم تصلى الفجر ؟؟؟؟؟؟؟؟؟؟؟؟ وفى ميعاده باذن الله
» مين الى عايز يعرف من sasocat
» الى عايز يعرف الشبراويه يدخل هنا
» عايز أجمل تهنئه ليا دلوقتى